Ang hirap no? Ang hirap magpanggap sa isang tao na mahal mo s’ya kahit hindi naman talaga iyon yung nararamdaman mo. Dahil nasa puso mo pa rin ‘yung taong talagang nagpapatibok ng puso mo. Kahit hindi mo mahal nakikipagrelasyon ka, matakpan lang ‘yung sakit na nararamdaman mo sa pagkawala sa iyo ng taong mahal mo.

Minsan, gunagamit natin sila sa pag iinakalang makakayanan mo rin silang mahalin sa paraang alam mo. Pero kahit anong gawin mong pilit sa sarili mong mahalin ang taong ito, balewala pa rin dahil hindi naman talaga s’ya ang taong tunay mong mahal. Minsan, iisipin mo na madali lang ‘yon gawin, madali mo rin s’yang matututunang mahalin.

Pero ikaw sa sarili mo, alam mo kung sino ‘yung taong alam mong makakapagbigay ng kasiyahan sayo, hahanap-hanapin mo pa rin ang taong ito kahit na nasa isang relasyon ka na. Ang makipagrelasyon sa taong hindi mo mahal ay mahirap. Pa’no ka makikipaghiwalay sa kanya ng ‘di s’ya masasaktan? Imposible di ba dahil lubos kang mahal ng taong ito. Ano nalang ang iisipin n’ya sayo? sa ginawa mo? Isa lang s’yang panakip butas sa sakit na nararamdaman mo.

Hindi madaling tapusin ang ganitong pangyayari sa isang relasyon. Lalo na kung ang lalakeng ito ay lubos na umaasa na minamahal mo rin s’ya katulad ng pagmamahal na binibigay n’ya sayo.

Nakakatawa lang. Ang daming nakikipagpaligsahan tungkol sa kung saang eskwelahan ang kanilang pinapasukan. Di naman porket sa pribadong paaralan ka nanggaling e pakiramdam mo matalino ka na. Meron nga dyan sa mamahaling eskwelahan pinag-aaral ng magulang ‘yun naman pala lakwatsa lang ang alam at mang-BULLY ng tao. Sa mamahaling eskwelahan ka nga nag-aaral, wala ka namang alam. Non-sense rin, diba? Tapos makakagraduate ka.

Aminado ko hindi ako galing sa pribadong eskwelahan pero marunong ako gumalang sa katayuan ng buhay ng isang tao. Wala naman akong pinipiling kaibigan.

Ang katalinuhan wala yan sa eskwelahan na pinapasukan mo, nasa kapasidad yan ng utak kung hanggang saan lang ba ang kaya mo. Marami nga kaming aplikante na galing sa iba’t-ibang pribadong eskwelahan katulad nalang ng sinasabi nyong maganda eskwelahan pero hindi pa rin sila pumapasa kahit gaano pa kaganda yung eskwelahang pinaggalingan nila e. Bakit? Kasi kulang rin yung kakayahan nila na gawin yung isang bagay. Unang interview palang e bagsak na.

Yan yung sinasabi na di yan nakikita sa paaralan kung saan ka galing, nasa kakayahan yan ng tao. Kaya iwasan na natin yung mangutya.